প্ৰথমবাৰৰ বাবে উচ্চতম ন্যায়ালয়ত নজিৰ সৃষ্টি কৰিব ইন্দুই

Printer-friendly versionSend by email

ডিজিটেল ডেস্কঃ প্ৰথমবাৰৰ বাবে উচ্চতম ন্যায়ালয়ৰ বিচাৰপতি হ'ব এগৰাকী মহিলা। প্ৰথমবাৰৰ বাবে ন্যায়াধীশ হিচাপে কোনো মহিলা অধিবক্তাৰ নাম পোনপটীয়াভাবে উল্লেখ কৰাত ইতিহাসৰ সৃষ্টি হয়৷ পাঁচ বিচাৰপতিৰ কলিজিয়ামে অধিবক্তা ইন্দু মালহোত্ৰাক ন্যায়াধীশ হিচাপে নিয়োগ কৰাৰ বাবে নাম উল্লেখ কৰে। 

উল্লেখ্য, ইয়াৰ পূৰ্বে কোনো মহিলা অধিবক্তাক পোনপটীয়াভাবে শীৰ্ষ আদালতৰ বিচাৰপতিৰ আসনত বহা নাছিল৷ ফলত ইন্দু মালহোত্ৰাক বিচাৰপতিৰ আসনত নিয়োগ কৰিলে এক নজিৰ হিচাপে বিবেচিত হ'ব৷

সূত্ৰ অনুসৰি, সৰ্বসন্মতিক্ৰমে পাঁচ বিচাৰপতিৰ কলিজিয়ামে ইন্দু মালহোত্ৰাৰ নাম চুপাৰিছ কৰিছে৷ উচ্চতম ন্যায়ালয়ৰ বিচাৰপতিৰ বাবে ইন্দু মালহোত্ৰাৰ উপৰি উত্তৰাখণ্ডৰ প্ৰধান বিচাৰপতি কেএম যোছেফৰ নামো বিচাৰপতিৰ বাবে চুপাৰিছ কৰিছে কলেজিয়ামে৷

১০ জানুৱাৰিত পাঁচ বিচাৰপতিৰ কলেজিয়ামৰ বৈঠক অনুষ্ঠিত হয়৷ উক্ত বৈঠকতে সৰ্বসন্মতিক্ৰমে ইন্দু মালহোত্ৰাৰ নাম গৃহিত হয়৷ জানব পৰা মতে বৰ্তমান ‘এপেক্স কোৰ্টত’ হে মাত্ৰ এগৰাকী মহিলা বিচাৰপতি অাছে বুলি জানিব পৰা যায়৷