অসমীয়া নতুন বছৰে মহানগৰবাসীলৈ কঢ়িয়াই আনিব এক শুভ সংবাদ |বহাগৰ পহিলা দিনটোৰ পৰাই মহানগৰবাসীয়ে ২৪ ঘন্টা ধৰি লাভ কৰিব বিশুদ্ধ খোৱাপানী| গুৱাহাটী জলব'ৰ্ডৰ আৰু গুৱাহাটী মহানগৰ উন্নয়ন প্ৰাধিকৰণৰ এগৰাকী শীৰ্ষ বিষয়াই জানিব দিয়া অনুসৰি প্ৰথম অৱস্থাত ৫ হাজাৰ পৰিয়ালে লাভ কৰিব এই সুবিধা|৩৯৪˙৫৩ কোটিৰে নিৰ্মাণ কৰা এই পানীযোগান আচঁনিটোৰ বাবে সমগ্ৰ মহানগৰীত প্ৰায় ৫০০ কিল'মিটাৰ দৈৰ্ঘ্যৰ পাইপ লাইন বহুৱাৰ কাম প্ৰায় সম্পূৰ্ণ হৈ উঠিছে|পানী যোগান প্ৰকল্পটোৱে প্ৰথমে মালিগাওঁ, আদাবাৰী, কামাখ্যা, ফটাশিল, আমবাৰী আদি অঞ্চল সামৰি ল'ব |তাৰোপৰি এই অঞ্চল কেইটাৰ প্ৰায় ৪ লাখ বাসিন্দাৰ কোনো অসুবিধা নোহোৱাকৈ বিশুদ্ধ খোৱা পানী যোগান ধৰাৰ উদ্দেশ্যে নিৰ্মীয়মান এই পানীযোগান প্ৰকল্পটোৰ বহন ক্ষমতা ১০৭ এম এল ডি|ইয়াৰোপৰি মধ্য গুৱাহাটীৰ প্ৰায়বোৰ অঞ্চলতে এই প্ৰকল্পৰ কাম চলি আছে|২৪ ফেব্ৰুৱাৰীৰ পূৰ্বে এই প্ৰকল্পটোৰ কাম সম্পূৰ্ণ কৰাৰ প্ৰচেষ্টা অব্যাহত আছে বুলি মুখ্য বিষয়াজনে জানিবলৈ দিছে|মহানগৰবাসীক ২৪ ঘন্টাই অতি কম মূল্যত পানীযোগান ধৰিবলৈ জি এম ডি য়ে সম্পূৰ্ণ চেষ্টা কৰিছে বুলিও জানিবলৈ দিছে বিষয়াগৰাকীয়ে|
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।