ভাৰতীয় হস্তক্ষেপৰ আহ্বান 'দায়িত্বজ্ঞানহীন', নাছিদক উভতি ধৰিলে মাওমুনে

Printer-friendly versionSend by email

ডিজিটেল ডেস্কঃ ভাৰতত মহাসাগৰৰ বুকুত হাজাৰৰো অধিক দ্বীপপুঞ্জৰে গঠিত ৰাষ্ট্ৰ মালদ্বীপত বৰ্তমান ৰাজনৈতিক বাতাবৰণ অশান্ত হৈ পৰিছে। জৰুৰীকালীন অৱস্থা চলি থকা দ্বীপপুঞ্জৰে গঠিত দেশখনত ভাৰতৰ হস্তক্ষেপ বিচাৰি প্ৰাক্তন ৰাষ্ট্ৰপতি মহম্মদ নাছিদে কৰা এক মন্তব্যক দায়িত্বজ্ঞানহীন বুলি সমালোচনা কৰিছে দেশখনৰ প্ৰাক্তন বৈদেশিক মন্ত্ৰী মাওমুন আবুল গায়ুমে। 

দেশখনত জৰুৰীকালীন অৱস্থা ঘোষণা কৰাটো অত্যাৱশ্যকীয় আছিল বুলি মত প্ৰকাশ কৰা মাওমুনে সংবাদপত্ৰ দ্যা ইণ্ডিয়ান এক্সপ্ৰেছৰ সৈতে হোৱা এক টেলিফোনিক বাৰ্তালাপত কয় যে দেশখনক বিভিন্ন সমস্যাই জুমুৰি দি ধৰিছে আৰু সমস্যাসমূহ শীঘ্ৰেই সমাধান শান্তিপূৰ্ণভাৱে কৰা উচিত। 

'দেশ হিচাপে আমি নিজেই আমাৰ সমস্যাসমূহ সমাধান কৰা প্ৰয়োজনীয়, তাৰ পৰিবৰ্তে আন দেশৰ হস্তক্ষেপ বিচৰাটো দায়িত্বজ্ঞানহীন কথা’-যুদ্ধৰ পৰিৱৰ্তে শান্তিপূৰ্ণ আলোচনাৰ পোষকতা কৰি মাওমুনে এই মন্তব্য কৰে।

জৰুৰীকালীন অৱস্থাক লৈ চিন্তিত হোৱাটো অমূলক নহয় বুলি মাওমুনে কয় যদিও দেশত সুস্থিৰ অৱস্থা ঘুৰাই অনাৰ বাবেহে আব্দুল্লা ইয়ামিনে এই পদক্ষেপ লোৱা বুলি তেওঁ মন্তব্য কৰে। 

 

Courtesy: indianexpress.com