newsnextone.com | গুৱাহাটীঃ মহানগৰীত উত্কত গৰমৰ পৰা পৰিত্ৰাণ পাবলৈ এতিয়া নাৰিকলৰ পানী, কুহিয়াৰৰ ৰস অথৱা ফ্ৰিজত ভৰাই থোৱা শীতল পানীয়ৰ বটল অতি প্ৰিয় হৈ পৰিছে। কিন্তু ইয়েও যেন মহানগৰীৰৰ প্ৰচণ্ড গৰমৰ পৰা নিষ্ঠাৰ দিব পৰা নাই মহানগৰবাসীক। 

সূৰ্য্য দেৱতাৰ খাও খাও কৰা মূৰ্তিয়ে মহানগৰবাসীক এতিয়া কেৱল এজাক বৰষুণৰ বাবেহে অপেক্ষা কৰাইছে। কিন্তু মহানগৰবাসীৰ আশা নসাত্ কৰি দিনক দিনে গৰমৰ মাত্ৰা যেন বৃদ্ধিহে পাইছে। কিছুদিন পূৰ্বে মালিগাঁৱত এগৰাকী লোকে প্ৰচণ্ড গৰম সহ্য কৰিব নোৱাৰি মৃত্যুক আঁকোৱালি লোৱাৰ পিছত মহানগৰীত পুনৰ এক হৃদয় বিদাৰক ঘটনা সংঘটিত হল।

সোমবাৰে গুৱাহাটী চিকিত্সা মহাবিদ্যালত বেমাৰ দেখুৱাবলৈ আহি এজন লোকে ফুটপাথৰ ওপৰতে মৃত্যুক সাৱটি লয়। জানিব পৰা মতে, প্ৰচণ্ড গৰম সহ্য কৰিব নোৱাৰিয়েই ৰুগীয়া ব্যক্তিগৰাকীয়ে মৃত্যুবৰণ কৰিবলগীয়া হয়। 

জানিব পৰা মতে, বেমাৰত ভূগি থকা লোকগৰাকীয়ে গুৱাহাটীলৈ চিকিত্সা কৰিবলৈ আহিছিল। কিন্তু উত্কট গৰম সহ্য কৰিব নোৱাৰি ছাটিটো মেলি ফুটপাথত জিৰণি লোৱাৰ সময়ত ছাটিৰ তলতে ব্যক্তিগৰাকী নিথৰ হৈ পৰে। পিছত আৰক্ষীয়ে ব্যক্তিগৰাকীৰ মৃতদেহ উদ্ধাৰ কৰি মৰোণোত্তৰ পৰীক্ষাৰ বাবে প্ৰেৰণ কৰে।