ডিজিটেল ডেস্কঃ কৃষকৰ আয়কলৈ পুনৰ আশ্বাস প্ৰদান কৰিছে প্ৰধানমন্ত্ৰী নৰেন্দ্ৰ মোডীয়ে৷ শণিবাৰে দেশৰ ৰাজধানীত অনুষ্ঠিত ‘কৃষি উন্নতি মেলা’ত অংশগ্ৰহণ কৰাৰ পূৰ্বে মোডীয়ে টুইটত কয়, ২০২২ চনৰ ভিতৰত কৃষকৰ আয়ৰ পৰিমাণ দুগুণ কৰা হ’ব৷
The theme of the fair is doubling farmer’s income by 2022. Krishi Unnati Mela is aimed at creating awareness about the latest technological developments in the agriculture and allied sectors among farmers.
— PMO India (@PMOIndia) 17 March 2018
লগতে মোডীয়ে কয়, আমাৰ চৰকাৰৰ উদ্দেশ্যই হৈছে কৃষি ক্ষেত্ৰত আধুনিক প্ৰযুক্তিবিদ্যা প্ৰয়োগ কৰাৰ প্ৰতি কৃষকসকলক জাগ্ৰত কৰি তোলা৷ ইয়াৰ জৰিয়তেই কৃষকৰ আয় বৃদ্ধি কৰিব পৰা যাব৷
মোডীয়ে লগতে জানিবলৈ দিয়ে, শনিবাৰৰ কাৰ্যসূচীত ‘কৃষি কৰ্মণ’ আৰু ‘দীনদয়াল উপাধ্যায় কৃষি বিজ্ঞান স্মাৰক’ বঁটা প্ৰদান কৰা হ’ব৷ তদুপৰি এই কাৰ্যসূচীতে জৈৱিক কৃষিৰ ওপৰত আধাৰিত ৱেব পৰ্টেল মুকলি কৰাৰ লগতে ২৫ টা কৃষি বিজ্ঞানকেন্দ্ৰৰ আধাৰশিলা কাৰ্যসূচী ৰূপায়ণ কৰিব বুলি কয়৷
ইয়াৰোপৰি নৰেন্দ্ৰ মোডীয়ে শুকুৰবাৰে মণিপুৰত অনুষ্ঠিত ভাৰতীয় বিজ্ঞান কংগ্ৰেছ সন্মিলনত অংশ গ্ৰহণ কৰি কয়, বৈজ্ঞানিক সকলক সাধাৰণ জনতাৰ বাবে শুদ্ধ পথলৈ অনাটো উচিত৷ বিজ্ঞানক গৱেষণাগাৰৰ পৰা সৰ্বসাধাৰণ ৰাইজৰ মাজলৈ অনাটো প্ৰয়োজন বুলি কয় মোডীয়ে৷
উল্লেখ্য যে, কৃষি মন্ত্ৰণালয়ে ফেব্ৰুৱাৰীত আয়োজন কৰা এক সন্মিলনত ২০২২ চনত কৃষি আয় দুগুণ কৰাৰ উদ্দেশ্যৰে হিতাধিকাৰীৰ সৈতে আলোচনাত মিলিত হৈছিল৷