Printer-friendly version
RVCJ Media
RVCJ Media

ডিজিটেল ডেস্কঃ দেশতে এক বৃহৎ অর্থনৈতিক ক্ষেত্ৰ দখল কৰি ল’বলৈ সক্ষম হোৱা টেলিকম সেৱা জিঅ’ই বৰ্তমান দেশৰ আন আন টেলিকম সমূহৰ বাবে কঢ়িয়াই আনিছে প্ৰত্যাহ্বান৷ জিঅ’ই আৰম্ভণিতে উপভোক্তাক আকৰ্ষণীয় সা-সুবিধা দি ব্যৱহাৰীৰ সংখ্যা বৃদ্ধি কৰি লৈছিল আৰু বৰ্তমানেও জিঅ’ ব্যৱহাৰকাৰীৰ সংখ্যা বৃদ্ধি হৈ আহিছে৷

যাৰ বাবে দেশৰ আন আন টেলিকম সেৱা সমূহৰ উপভোক্তাৰ সংখ্যা নিম্নগামী হৈ অহাত লোকচানৰ সন্মুখীন হ’ব লগাত পৰিছে৷ বিশেষকৈ দেশৰ অন্যতম ব্যক্তিগত খণ্ডৰ টেলিকম কোম্পানী এয়াৰচেলে জিঅ’ৰ পৰা বৃহৎ প্ৰত্যাহ্বানৰ সন্মুখীন হৈ সেৱা বন্ধ কৰিবলৈ বাধ্য হৈছে৷ ইয়াৰোপৰি অন্য দুটা টেলিকম কোম্পানী ভ’ডাফোন আৰু এয়াৰটেলে প্ৰত্যাহ্বানৰ সন্মুখীন হৈ অহা বুলি খবৰ ওলাইছে৷

the economic times-ৰ এক খবৰ অনুসৰি দেশৰ আটাইতকৈ দেউলীয়া টেলিকম কোম্পানী হিচাপে পৰিগণিত হৈছে এয়াৰচেল৷ যাৰ বাবে এয়াৰচেলে কোম্পানীত কৰ্মৰত ৫০০০ কৰ্মীক কামৰ পৰা বিদায় দিব বিচাৰিছে৷ কিয়নো বৰ্তমান সময়ত এয়াৰচেলৰ বিত্তীয় অৱস্থা একেবাৰে শোচনীয়৷ এই সপ্তাহত এয়াৰচেলৰ মুখ্য কাৰ্যবাহী বিষয়া কাইজাদ হিৰজিয়ে কৰ্মচাৰীসকলক মেইল প্ৰেৰণ কৰিছে বুলি জানিব পৰা গৈছে।

জানিব পৰা মতে, এয়াৰচেলৰ বিত্তীয় স্থিতি একেবাৰে শোচনীয়৷ হিৰজিয়ে লগতে কয়, টেলিকম মার্কেটত শেহতীয়াকৈ আৰম্ভ হোৱা প্ৰতিযোগিতাত সৈতে ফেৰ মাৰিব পৰা নাই এয়াৰচেলে। প্রসংগক্ৰমে উল্লেখ কৰিব পাৰি ভাৰতীয় বজাৰত জিঅ’ৰ প্ৰৱেশৰ আগে-আগে ২০১৬ চনৰ জুলাই মাহত এয়াৰচেলে ১২০ কোটি টকা লাভ কৰিছিল। কিন্তু বিগত বছৰত জিঅ’ই প্ৰৱেশ কৰাৰ পিছতেই ডিচেম্বৰ মাহত উপাৰ্জন কৰে মাত্ৰ ৫ কোটি টকা। আনহাতে এই বছৰ ৬০ কোটি টকাৰ ঋণত পোত য়াই টেলিকম কোম্পানী এয়াৰচেল দেউলীয়া হৈ পৰে।