গুৱাহাটীঃ মহানগৰীৰ ধাৰাপুৰস্থিত আগশাৰীৰ শিক্ষা প্ৰতিষ্ঠান গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজীৰ নৱনিৰ্মিত প্ৰশাসনিক ভৱনটো আজি আনুষ্ঠানিকভাৱে মুকলি কৰা হয়। গাম্ভীৰ্যপূৰ্ণ এই উদ্বোধনী অনুষ্ঠানত উদ্বোধক হিচাপে উপস্থিত থাকে অল ইণ্ডিয়া কাউঞ্চিল ফৰ টেকনিকেল এডুকেশ্যন চমুকৈ(এ.আই.চি.টি.ই)ৰ অধ্যক্ষ অনিল ডি সহস্ৰবুদ্ধেই। ভৱনটো উদ্বোধন কৰি তেওঁ আশা প্ৰকাশ কৰে যে অনাগত দিনত শিক্ষা প্ৰতিষ্ঠানখনে শৈক্ষিক দিশটোত ছাত্ৰ-ছাত্ৰীসকলক অধিক গতিশীল কৰি তুলিব। উক্ত অনুষ্ঠানত অংশ গ্ৰহণ কৰে (এ.আই.চি.টি.ই)ৰ উপাধ্যক্ষ ডঃ এম পি পুনিয়া, সঞ্চালক ডঃ এম এছ মান্না, ই আৰৰ আঞ্চলিক বিষয়া ডঃ এম এছ গাৰ্গৰ লগতে কেবাগৰাকী বিশিষ্ট ব্যক্তি। একেটা অনুষ্ঠানতে নতুন ছাত্ৰাৱাস এটাৰ আধাৰশিলাও স্থাপন কৰা হয়।