Printer-friendly version

ডিজিটেল ডেস্কঃ এক নতুন সম্পৰ্কৰ মাজলৈ আহি আছে অভিনেতা হৃত্বিক ৰোচন আৰু টাইগাৰ শ্ৰফ। কিন্তু কোনো ব্যক্তিগত সম্বন্ধৰ আওতালৈ নহয়, আহিবলগীয়া এখন নতুন বোলছবিৰ চৰিত্ৰৰ বাবে হে যুটি বান্ধিছে নৃত্যত পাকৈত দুই অভিনেতাই।

নাম স্থিৰ নহোৱা বোলছবিখনৰ পৰিচালক সিদ্ধাৰ্থ আনন্দ। যদিও দুজন অভিনেতা একেলগে মূখ্য চৰিত্ৰত অভিনয় কৰিব কিন্তু অভিনেত্ৰী থাকিব মাথো এগৰাকীহে। 'শুধ দেশী ৰোমান্স' আৰু বেফিক্ৰে'ত সবল অভিনয় কৰি জনপ্ৰিয়তা লাভ কৰা অভিনেত্ৰী বাণী কাপুৰে হৃত্বিক-টাইগাৰৰ বিপৰীতে ছবিখনত অভিনয় কৰাৰ কথা আছে৷

জানিব পৰা মতে, এই নাম স্থিৰ নহোৱা বোলছবিখনত নিজৰ চৰিত্ৰটোৰ বাবে টাইগাৰ শ্ৰফে যথেষ্ট কষ্ট কৰিছে৷ নিজৰ দেহৰ ওজন পাঁচ কিলো পৰ্যন্ত বঢ়াই টাইগাৰে চৰিত্ৰটোৰ বাবে নিজকে সম্পূৰ্ণ ফিট কৰি তুলিছে৷ হৃত্বিক ৰোচনৰ নৃত্যৰ অনুৰাগী টাইগাৰে হৃত্বিকৰ স’তে একেলগে অভিনয়ৰ সুযোগ পাই খুবেই আনন্দিত হৈ পৰা বুলি জানিব পৰা গৈছে৷ 

এক্সন আৰু নৃত্য, ৰোমান্সেৰে ভৰপূৰ ছবি খনে দুয়োগৰাকী অভিনেতাৰ যুটিটোৱে দৰ্শকক কেনেধৰণে আমোদ দিয়ে সেয়া পৰৱৰ্তী সময়ত দেখা পোৱা যাব৷