বিশ্ব ক্ৰিকেটত এক অভাৱনীয় আলোড়ন তুলিছে আই.চি.চি ৰ শেহতীয়া এদিনীয়া ক্ৰিকেট দলৰ ৰেংকিং তালিকাই। তালিকাৰ অষ্টম স্থানত থকা পাকিস্তান দলটোৱে ২০১৯ চনৰ ইংলেণ্ডত অনুষ্ঠিত হ’ব লগা বিশ্বকাপ প্ৰতিযোগিতালৈ পোনপটীয়া যোগ্যতা অৰ্জনত ব্যৰ্থ হোৱাটো এক প্ৰকাৰ নিশ্চিত হৈছে। ক্ৰিকেটৰ বিশ্ব সংস্থাটোৱে আগন্তুক বিশ্বকাপ প্ৰতিযোগিতাৰ বাবে কেৱল ১০ টা দলক হে বাছনি কৰিব, য’ত আয়োজক দেশ ইংলেণ্ড আৰু এদিনীয়া ৰেংকিংৰ প্ৰথম ৭ টা দলে পোনপটীয়া যোগ্যতা লাভ কৰিব। বাকী থকা স্থানৰ বাবে অন্যান্য দল সমূহে অহা বছৰ বাংলাদেশত অনুষ্ঠিত হব লগা বিশ্বকাপৰ যোগ্যতা নিৰ্ণয়কাৰী প্ৰতিযোগিতাত ভাগ ল’ব লাগিব৷ শেহতীয়া তালিকাত ৮৯ পইন্টেৰে বাংলাদেশতকৈও তলত থকা ১৯৯২ চনৰ বিশ্বকাপ বিজয়ী দলটোৰ বাবে এয়া অস্বস্তিকৰ হিচাবে বিবেচিত হৈছে।
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।