ডিফুঃ বহু জল্পনা-কল্পনাৰ অৱসান ঘটাই মিত্ৰ দল অগপক একাষৰীয়াকৈ থৈ অৱশেষত ২০১৭ কাৰ্বি পৰিষদীয় নিৰ্বাচনত প্ৰাৰ্থী তালিকা অনুষ্ঠানিকভাৱে ঘোষণা কৰিলে ৰাজ্যিক বিজেপিয়ে৷ ২৬ পৰিষদীয় সমষ্টিত ক্ৰমে ১নং দুৱাৰ আমলাত প্ৰভাত চন্দ্ৰ তাৰ’, ২নং আমৰিত ধনিৰাম মাচলাই, ৩নং চিনমং সমষ্টিত প্ৰদীপ ৰংপি, ৪নং চছেঙত ৰূপছিং টেৰণ, ৫নং ৰংখাংসমষ্টিত হৰেণাচিংৱে’ক প্ৰাৰ্থীত্ব প্ৰদান কৰে।
একেদৰে ৬নং বিখুং ৰেংখামাত তুলিৰাম ৰংহাতি, ৭নং কপিলী পৱন কুমাৰ, ৮নং হামৰেণ মংগলছিং তিমুতি, ৯নং আখৰেং তেৰংপী, ১০নং হাওৰাঘাট খৰছিং ৰংপি, ১১নং লাংফেৰ ৰামচিং তিমুতি ১২নং ফুলনি দৰাছিং ৰংহাং, ১৩নং লাংহিং থৰেন্দ্ৰ ব্ৰহ্ম, ১৪নং কৰকান্ঠিত ৰাজু তিছ'ৱে প্ৰাৰ্থীত্ব লাভ কৰে।
ইফালে, ১৫নং মহামায় সমষ্টিত প্ৰাৰ্থীত্ব লাভ কৰে লুমচিং টেৰণে, ১৯নং ধনশিৰিত প্ৰদীপ ডিমুছা, ২০নং সিংহাসন সমষ্টিত অমৰছিং তিছ’, ২১নং বৰজানত লংকি তিছ’, ২২নং নৱ সৰুপথাৰ জগতছিং ইংতি আৰু ২৩নং বোকাজানত মাধুৰ্য ঢেকিয়াল ফুকনে প্ৰাৰ্থীত্ব লাভ কৰে। আনহাতে ২৪নং দেওপানীত মুকুট মহন্ত, ২৫নং নিলীপত পৱিত্ৰ ৰংপি, ২৬নং দুৱাৰবাগৰিত ৰতন ইংতিক প্ৰাৰ্থীত্ব প্ৰদান কৰা হয়।
প্ৰাৰ্থীসকলৰ এই তালিকা আনুষ্ঠানিকভাৱে ঘোষণা কৰাৰ লগে লগেই কেবাগৰাকী বিজেপিৰ টিকটপ্ৰত্যাশীৰ আশাত চেঁচা পানী পৰে। উল্লেখ্য যে টিকটৰ বাবে এসপ্তাহ পূৰ্বৰে পৰা ৰাজিক বিজেপিৰ মুখ্য কাৰ্যালয়ত বাহৰ পাতিছিল ন-পুৰণি বহু প্ৰাৰ্থী। কিন্তু ৰাজ্যিক বিজেপিয়ে প্ৰাৰ্থী তালিকাত ব্যাপক পৰিবৰ্তন ঘটোৱাত বহুতৰে সপোন চুৰমাৰ হৈ পৰে।
বিশেষকৈ ১০নং হাওৰাঘাটত পূৰ্বৰ কাৰ্বি আংলং জিলাৰ সাধাৰণ সম্পাদক আজিত দে’, ২৩নং বোকাজান জীৱন চন্দ্ৰ পাঠক আৰু দলীয় উত্থানত সক্ৰিয় ভূমিকা আগবঢ়োৱা জিলা বিজেপিৰ উপ-সভাপতি মাইবংচা টিকটৰ পৰা বঞ্চিত হোৱাত প্ৰতিক্ৰিয়াৰ সৃষ্টি হৈছে৷
বিজেপিৰ লগতে ভাৰতীয় জাতীয় কংগ্ৰেছ দলেও পৰিষদীয় নিৰ্বাচনৰ বাবে নিজ দলৰ প্ৰাৰ্থী তালিকা ঘোষণা কৰে৷ এই অনুযায়ী ১নং দুৱাৰআমলাত হাৰছন বে’, ২নং আমৰিত ডেনিয়েল হাঞ্চে, ৩নং চিনথঙত, ৰূপচিং বংৰুম, ৪নং চছেঙত বিশ্ব ৰংপি, ৫নং ৰংখাঙত ছিং টেৰণ, ৬নং বিখঙত ৰেংথাম বাজং তিছ’, ৭নং কপিলীত হৰেন্দ্ৰ ক্ৰামছাকে প্ৰাৰ্থীত্ব লাভ কৰে।
দলটোৰ পৰা ৮নং হামৰেণত মোহন ইংতি, ৯নং আমৰেঙত এলিছ ইংতিপি, ১০নং হাওৰাঘাটত দেউৰী লেকথে, ১১নং লাংফেৰত লংকি ইংতি, ১২নং ফুলনিত সঞ্জীৱ টেৰণ, ১৩নং লাংহিনত ৰজনী বে’পী, ১৪নং কৰকাঠিত মেনছিঙত তাৰ’, ১৫নং মহামায়াত বিদ্যাছিং ইংলেং, ১৬নং নমাটিত অশোক টেৰণ, ১৭নং ছচেঙত ধেন্টা কাৰেং টেৰণপীয়ে প্ৰাৰ্থীত্ব লাভ কৰে।
১৮নং লুম্বাজঙত ধনছিং ক্ৰ’, ১৯নং ধনশিৰিত এতিকা ডিফুছা, ২০নং সিংহাসনত চন্দ্ৰছিং টেৰণ, ২১নং বৰজানত চন্দ্ৰ কাথাৰ, ২২নং সৰুপথাৰত কাছেং তেৰাংপী, ২৩নং বোকাজানত লক্ষ্মীৰাম, ২৪নং দেওপানীত বৰছিং ৰংপি, ২৫নং নৱনিলিত খগেন তেৰাতি আৰু ২৬নং দুবাৰ বাগৰিত ৰাপেন ইংতিঙক দলে প্ৰাৰ্থীত্ব আগবঢ়ায়।
কংগ্ৰেছ আৰু এইচ এছ ডিচিৰ মিত্ৰতা সন্দৰ্ভত আলোচনা চলি থকাৰ পিছতো মূৰকত দুয়োটা দলে মিত্ৰতাৰ মনোভাব এৰি একলা চলো নীতিৰে আগবাঢ়িবলৈ লোৱা ঘটনাই বিশেষ তাপৰ্য বহন কৰিছে৷ উল্লেখ্য যে, বিজেপিৰ ৰাজ্যিক সমিতিয়ে প্ৰাৰ্থী তালিকা ঘোষণা কৰাৰ লগে লগে পূব কাৰ্বি আংলং জিলাৰ ডিফু বিজেপিৰ মুখ্য কাৰ্যালয়ত টিকত বঞ্চিত প্ৰাৰ্থীৰ একাংশ সদস্যই বিজেপিৰ বেনাৰ আদি ফালি ক্ষোভ উজাৰে৷ টিকট বঞ্চিত প্ৰাৰ্থীয়ে স্বতন্ত্ৰভাৱে প্ৰতিদ্বন্দ্বিতা কৰিবনে নকৰে সেয়া বৰ্তমানলৈকে জানিব পৰা হোৱা নাই৷