বিশেষ প্ৰতিবেদনঃ আকৌ সলনি কৰিব লগীয়া হ'ব পাৰে SIMকাৰ্ড আৰু মোবাইল হেণ্ডছেট। অচিৰেই আউটডেটেড হৈ পৰিব পাৰে 4G ইণ্টাৰনেট! ফেচবুক আৰু গুগলৰ হাতত ধৰি ভাৰতত 5G সেৱা আৰম্ভ কৰিবলৈ ওলাইছে মুকেশ আম্বানিৰ ৰিলায়েন্স জিঅ’ই। দ্ৰুত গতিত ইণ্টাৰনেটৰ পৃথিৱীলৈ অহা পৰিৱৰ্তনৰ সোৱাদ ভাৰতবাসীক প্ৰদান কৰাৰ বাবে ইতিমধ্যে সাজু হৈ উঠিছে জিঅ’। বুধবাৰে ৪৩ সংখ্যক বাৰ্ষিক সাধাৰণ সভাত 4Gৰে তথ্য-প্ৰযুক্তিৰ ক্ষেত্ৰত বিপ্লৱৰ সৃষ্টি কৰা  প্ৰতিষ্ঠানটোৰ অধ্যক্ষ মুকেশ আম্বানিয়ে অহা বছৰৰ পৰা 5G সেৱাৰ কাম আৰম্ভ কৰাৰ কথা আনুষ্ঠানিকভাৱে ঘোষণা কৰে।

স্বাস্থ্য প্ৰতিবেদনঃ কৰোনা মহামাৰীৰ সময়ত শৰীৰৰ ৰোগ প্ৰতিৰোধক ক্ষমতা বঢ়াবলৈ বহু স্বাস্থ্য বিশেষজ্ঞই খাদ্যত ডালচেনিৰ ব্যৱহাৰৰ পৰামৰ্শ আগবঢ়াইছে। বিভিন্ন গৱেষণাত এয়া প্ৰমাণিত হৈছে যে কৰ’না ভাইৰাছৰ ঘৰুৱা প্ৰতিষেধক হিচাপে ডালচেনি ব্যৱহাৰ কৰিব পৰা যায়৷ কিন্তু কোন সময়ত আৰু কেনেকৈ এই ডালচেনি ব্যৱহাৰ কৰিলে আমাৰ শৰীৰৰ ৰোগ প্ৰতিষেধক ক্ষমতা বৃদ্ধি হ’ব সেয়া জানি লোৱা দৰকাৰ।

বাণিজ্য প্ৰতিবেদনঃ গুগলৰ সহায়ত অনাগত সময়ত এক নতুন ৰূপ লাভ কৰিব ভাৰতে। ভাৰতত মাৰ্কিন প্ৰতিষ্ঠানটোৱে ৭৫ হাজাৰ কোটি টকা বিনিয়োগ কৰিবলৈ সিদ্ধান্ত গ্ৰহণ কৰাৰ পিছতে এই আশা দেখা গৈছে। প্ৰকাশিত বাতৰি অনুযায়ী অহা ৫-৭ বছৰলৈকে উক্ত ধনৰাশিৰ জৰিয়তে ভাৰতত বিভিন্ন আঁচনি ৰূপায়ণ কৰিব মাৰ্কিন প্ৰতিষ্ঠানটোৱে। 

জেনেভাঃ কৰ’না মহামাৰীক লৈ প্ৰয়োজনীয় পদক্ষেপ গ্ৰহণ নকৰিলে পৰিস্থিতি আৰু অধিক ভয়াৱহ হৈ পৰিব। সোমবাৰে এই মন্তব্য কৰিছে বিশ্ব স্বাস্থ্য সংস্থাই চমুকৈ WHOৰ মূৰব্বী ডাঃ টেড্ৰ’ছ এডনাম গেব্ৰিয়েছেছে। তেওঁ আৰু কয় যে কৰ’না ৰোধৰ ক্ষেত্ৰত বহু দেশে ভুল পথেৰে অগ্ৰসৰ হৈছে।

'কৰ’না ভাইৰাছৰ সংক্ৰমণৰ নতুন ঘটনা দিনে দিনে বৃদ্ধি পায়েই আছে। ইয়াৰ পৰা এয়াই প্ৰমাণিত হয় যে যিসমূহ উপায় আৰু পদ্ধতিৰ কথা কৈ অহা হৈছে সেইসমূহ সঠিকভাৱে পালন কৰা হোৱা নাই। অৰ্থাৎ আমি এক ভয়াৱহ পৰিস্থিতিৰ দিশে গতি কৰিছো।’- WHOৰ মূৰব্বীগৰাকীৰ মন্তব্য।

বিশেষ প্ৰতিবেদনঃ পলিঅ'ৰ ভেকচিনৰ দৰেকৈ শীঘ্ৰেই আশাকৰ্মীৰ হাতত উঠি আপোনাৰ পদূলি পাব নেকি কৰ'নাৰ ৰাছিয়ান ভেকচিন? বাতৰি অনুযায়ী নিৰাশাৰ মাজতো আশাৰ সঞ্চাৰ কঢ়িয়াইছে ৰাছিয়াৰ এখন বিশ্ববিদ্যালয়ৰ গৱেষকৰ এটি দলে। সমগ্ৰ বিশ্বতে ১ কোটি ২৮ লাখৰো অধিক লোক কৰ’নাত আক্ৰান্ত হোৱাৰ লগতে ৫ লাখ ৫৫ হাজাৰ লোক মৃত্যুমুখত পৰাৰ সময়তে ৰাছিয়াৰ ছেচেন’ফ বিশ্ববিদ্যালয়ৰ গৱেষক দল এটাই কৰ’না ভাইৰাছৰ প্ৰথম ভেকচিন প্ৰস্তুত কৰি উলিওৱা বুলি দাবী কৰিছে।

Categories: 

বিশেষ বাতৰিঃ ৰাজ্যত কৰ’নাৰ সন্ত্ৰাস, আনফালে চৰকাৰৰ স্বাস্থ্য বিভাগৰ টোঘলকী কাণ্ড! উল্লেখ্য যে, লখিমপুৰ চিকিৎসা মহাবিদ্যালয়ৰ বাবে ৰাজ্য চৰকাৰৰ স্বাস্থ্য বিভাগে চলিত বৰ্ষৰ ৬ মে’ত অন্যান্য পদৰ লগতে ২০১টা  ষ্টাফ নাৰ্ছৰ পদৰ বাবে বিজ্ঞাপন প্ৰকাশ কৰিছিল। সেই অনুসৰি  ৰাজ্যৰ বিভিন্ন জিলাৰ হেজাৰোধিক বিএছচি নাৰ্ছিং, জিএনএম প্ৰাৰ্থীয়ে অনলাইন যোগে প্ৰ-পত্ৰ পূৰণ কৰাৰ পিছত যোৱা ৬ জুলাইত সাক্ষাৎকাৰৰ বাবে প্ৰাৰ্থীসকলৰ চূড়ান্ত তালিকা প্ৰকাশ পায়।

Categories: 

দিনদিয়েক পূৰ্বে সেনাৰ অত্যাচাৰত হেৰাই গৈছিল তিতাবৰৰ জয়ন্ত। কেৱল জয়ন্তইনে? বছৰৰ পিছত বছৰ ধৰি উজনি অসমৰ ভিন্ন প্ৰান্তত এনেদৰে হেৰাই গৈছে অনেক তেজাল যুৱক। কোনোৱে যদি মাছ মৰা জাল কিনিবলৈ গৈ পিছদিনা মৃতদেহ হৈ ঘৰ পাইছে আন কোনোজনে আকৌ বজাৰলৈ বুলি ওলাই গৈ বুকুত গুলী লৈ শ্মশানলৈ যাবলৈ সেনা-আৰক্ষীৰ জীপত আহি চোতাল পাইছে। এইসকল নীৰিহৰ পৰিয়ালে ন্যায়ৰ আশাৰে বছৰৰ পিছত বছৰ বাট চালে। কিন্তু ন্যায় পালেনে? সবিশেষ সামৰি জ্যেষ্ঠ সাংবাদিক দিগন্ত শৰ্মাৰ এক বিশেষ প্ৰতিবেদন।

Categories: 

বৰ্তমান যদিহে ভাৰতত পাকিস্তান আৰু চীনৰ সৈতে যুদ্ধ কৰাতো বিচাৰে নে নাই সেই লৈ গণভোট অনুষ্ঠিত কৰা হয় তেন্তে অধিকাংশ লোকেই যুদ্ধৰ সপক্ষে ভোটদান কৰিব! ছ’চিয়েল মিডিয়ালৈ চালেও দেখা যায় যে লক্ষ লক্ষ ভাৰতীয় উন্মাদৰ দৰে যুদ্ধপ্ৰেমী হৈ পৰিছে। অধিকাংশৰে মুখত এটাই কথা যে দেশৰ হৈ মৰিবলৈ তেওঁলোক সাজু আছে। বহুসময়ত সেনাক ঢাল হিচাপে লৈ ৰাজনৈতিক দলসমূহে ৰাজনীতি কৰাৰো অভিযোগ উত্থাপিত হৈ আহিছে। 

ভাৰত-বাংলাদেশৰ দৰে দেশৰ লোকেই মাস্ক নিপিন্ধাকৈ আজিকালি বাহিৰলৈ নোলায়। ইয়াৰ বিপৰীতে আমেৰিকা আৰু ৰাছিয়াৰ দৰে দেশৰ একাংশ লোকে মাত মাতি আহিছে মাস্ক পৰিধানৰ বিৰুদ্ধে। কিয়নো এই দুখন দেশৰ ৰাষ্ট্ৰপ্ৰধানে নিজেই সময়ে সময়ে মাস্ক পিন্ধাৰ বিৰোধিতা কৰি আহিছে। কিন্তু কিয়? ইফালে ভেকচিনক লৈও চৰ্চা চলিছে। ভাৰতত অহা আগষ্টত ভেকচিন বজাৰলৈ আহিব বুলিও বাতৰি প্ৰকাশ পাইছে। সঁচাকৈয়ে ইমান সোনকালে বজাৰলৈ ভেকচিন আহিবনে? সবিশেষ সামৰি জ্যেষ্ঠ সাংবাদিক হৃদয় কুমাৰ শৰ্মাৰ বিশ্লেষণ।

ফেক্ট চেকিংঃ ভাৰত-চীনৰ সংঘাতৰ খবৰে তোলপাৰ লগাই থকাৰ মাজতে যোৱা শুকুৰবাৰে কেন্দ্ৰীয় শাসিত ৰাজ্য লাদাখৰ ৰাজধানী লেহত উপস্থিত হয় দেশৰ প্ৰধানমন্ত্ৰী নৰেন্দ্ৰ মোদী। লেহত উপস্থিত হৈয়েই প্ৰধানমন্ত্ৰী মোদীয়ে সেনা, বায়ুসেনা আৰু আইটিবিপিৰ জোৱানসকলৰ সৈতে মত-বিনিময় কৰে। ইয়াৰ পিছতে তেওঁ গালৱান উপত্যকাত চীনা সৈন্যৰে হোৱা হতাহতিত আহত হৈ চিকিৎসাধীন হৈ থকা সেনা জোৱানসকলক সাক্ষাৎ কৰিবলৈ স্থানীয় সামৰিক চিকিৎসালয়খনলৈ যায়।

Pages