ডিজিটেল ডেস্কঃ সমগ্ৰ দেশতে আইছিছৰ বিৰুদ্ধে তৎপৰ হৈছে আৰক্ষী৷ দেশত আইছিছৰ গতিবিধিৰ উমান পোৱাৰ পিছতে সষ্টম হৈ পৰিছে আৰক্ষী৷ দেশৰ ৬ খন ৰাজ্যত উগ্ৰপন্থী বিৰোধী অভিযানত ৯ গৰাকী সন্দেহযুক্ত লোকক আটক কৰিছে আৰক্ষীয়ে৷ অাৰক্ষীয়ে অভিযান চলোৱা ৰাজ্যকেইখন হৈছে উত্তৰ প্ৰদেশ, দিল্লী, অন্ধ্ৰ প্ৰদেশ, পাঞ্জাৱ আৰু বিহাৰ৷
এই ৬ ৰাজ্যৰ আৰক্ষীয়ে যুটীয়াভাৱে এই অভিযান চলাইছিল৷ মুম্বাই, জলন্ধৰ, নৰকটিয়াগঞ্জ, বিজনৌৰ আৰু মুজাফৰনগৰৰ অভিযুক্তসকলক আটক কৰে৷ উত্তৰ প্ৰদেশৰ অতিৰিক্ত আৰক্ষী প্ৰধান দলজিত সিং চৌধুৰীয়ে কয় যে আটক ৯ জনৰ চাৰিজনৰ বিৰুদ্ধে কুটাঘাটত জড়িত থকাৰ প্ৰমাণ মজুত আছে আৰক্ষীৰ ওচৰত৷
উল্লেখযোগ্য যে বিগত দিনসমুহত কেইবাখনো ৰাজ্যত আইছিছৰ কাৰ্যকলাপৰ কথা পোহৰলৈ আহিছে৷ উত্তৰ প্ৰদেশত কেইবাটাও ৰেল দুৰ্ঘটনাত পৰোক্ষভাৱে জড়িত আছিল আইছিছ৷
আনহাতে মুম্বাইতো নৌপথেৰে আইছিছ সোমোৱাৰ পৰিকল্পনা পোহৰলৈ আনিছিল মহানগৰখনৰ ক’ষ্ট গাৰ্ডে৷ এই ঘটনাসমুহৰ পিছতেই আইছিছৰ কুটঘাত প্ৰতিহত কৰিবলৈ মাৰ বান্ধি থিয় হৈছিল উক্ত ৰাজ্যকেইখনৰ আৰক্ষী৷