কামপুৰঃ পোন্ধৰ দফীয়া দাবীসমূহৰ সমৰ্থনত সদৌ অসম আদিবাসী ছাত্ৰ সন্থা (আছা) কেন্দ্ৰীয় সমিতিৰ সভাপতি ষ্টিফেন লাকড়াৰ নেতৃত্বত ২১ ফেব্ৰুৱাৰীৰ পৰা দ্বিতীয় পৰ্যায়ৰ আদিবাসী অধিকাৰ পদযাত্ৰাৰ দলটো মঙলবাৰে উপস্থিত হয় কামপুৰত।
তেওঁলোকৰ এই পদযাত্ৰা ২১ মাৰ্চত গুৱাহাটীত অনুষ্ঠিত হব লগা বিশাল গন সমাবেশস্থলীত সামৰণি পৰিব বুলি জানিবলৈ দিয়ে । তেওঁলোকৰ পদযাত্ৰাৰ উদ্দেশ্য শদিয়া, ডিব্ৰুগড়, চৰাইদেউ, শিৱসাগৰ, যোৰহাট, গোলাঘাট, কাৰ্বি আলং, নগাঁও, মৰিগাঁও আৰু গুৱাহাটীৰ আদিবাসী অধ্যুষিত গাঁও আৰু চাহ বাগিচাৰ মাজেদি যাব।
ঠাই বিশেষে গাঁও, চাহ বাগিচা আৰু নগৰ চহৰ আদিত গণ সমাবেশ অনুষ্ঠিত কৰি অসমৰ জলন্ত সমস্যাবোৰৰ লগতে আদিবাসী সকলৰ বিভিন্ন সমস্যা সমাধানৰ দাবী আৰু ৰাইজ সজাগতাৰ সৃষ্টিৰ লগতে অসমৰ আদিবাসী সকলক অতিশীঘ্ৰে জনজাতিৰ মৰ্যদা প্ৰদানৰ দাবীত এই পদযাত্ৰাৰ উদ্দেশ্য বুলি জানিবলৈ দিয়ে ।